من ألذ و "أطعم" أفيشات الأفلام التى رأيتها , الفيلم تفسه واحد من أجمل الافلام التى شاهدتها , بموسيقى Goran Bregovic التى أعتبرها من أشهى الموسيقى التصويرية التى سمعتها فى حياتى , و بالأداء الطازج لمجموعة من الممثلين الصربيين تحت قيادة المخرج البوسنى Emir Kusturica , على كل حال لم أكن أنوى الأسترسال فى الحديث عن فيلم Underground , فقط أود الاشارة لهذا الأفيش اللذيذ , مدفع دبابة - على هيئة عضو ذكرى منتصب - تتعلق به فتاة ممتلئة بالأنوثة و الحيوية ترتدى ثوباً أحمر مفتوح.
يتميز Emir Kusturica فى أفلامه بالصخب و الحيوية التى تدب فى كل عناصر الفيلم بدءاً من أداء الممثلين و حتى الايقاع الذى يختاره للمونتاج , يستحق هذا الفيلم - عن جدارة - جائزة السعفة الذهبية من مهرجان Cannes عام 1995 ... لكن مرة أخرى ليس الحديث هنا عن الفيلم , سيحدث هذا عن أكيد فى وقت لاحق , فقط الأفيش العبقرى بألوانه الدافئة و خفة دم تكوينه المميز هو ما سيحتل المساحة كاملة اليوم.
4 comments:
أتفق معك على أنه من أجمل أفلام التسعينات، لكن على فكرة كوستوريتسا و طاقم الفيلم من مختلف جمهوريات يوجوسلافيا السابقة. كوستوريتسا نفسه من مواليد البوسنة، لكنه ما زال يصر على أنه يوجوسلافي أولا و أخيرا، و ينعكس ده بوضوح على موضوع الفيلم.
في انتظار الحديث عن الفيلم نفسه
الألوان بالذات بهرتني في الأفيش ده. عايزة اعرف لو الصورة دي مشهد من الفيلم ولا خيال مستقل بس معبر للمصمم. كمان في حاجة تانية خضرا وحمرا في الخلفية مش عارفة اشوف هي ايه بالظبط (حتى بالنضارة) كمان لو ده تصميم مستقل البنت الي في الأفيش دي ممثلة في الفيلم؟ وهل هي الممثلة الرئيسية؟ أختيار جميل كالعادة. ولسا مستنية
Breaking the waves
وكلام سينمائي تاني انت عارف هو ايه
minesweeper76
معظم أبطال الفيلم من مواليد صربيا
كوستوريتشا و جوران بيرجوفيتش فقط هما البوسنيين
عذراً ذكرت ان كوستوريتشا صربى و هو ما تم تداركه
الفيلم مرثية عظيمة ليوجوسلافيا
سيتم الحديث عن الفيلم نفسه بالتأكيد
alexandra
الأفيش عبارة عن لقطة م الفيلم و الفتاة اللى فيه هى بطلة أساسية فيه
الألوان الحمرا و الخضرا على الدبابة ورا البنت هى جزء من عناصر ديكور هذا المشهد الخرافى الفظيع الـ ... الخ الخ اللى اتاخدت منه لقطة الأفيش
لازم يتشاف
:)
أحييك على محاولاتك المستميتة لإزالة العناكب المعششة فب عقول جمهور العصر السبكاوي.
وشكرا على إهتمامك بأفلام مهرجان كان تحديدا.
رجاء شخصي :أرجوك أرجوك أرجوك تحط لينك لموقع www.theyshootpictures.com بجانب imdbوrotten tomatoes
الموقع دة-في رأيي- أهم موقع في العالم لترتيب الأفلام من وجهة نظر النقاد .
وبيتميز بقائمة لأحسن 1000 فيلم و أحسن مائة مخرج و لكن ميزته الكبرى هي قائمة أحسن 250 فيلم في القرن الواحد و العشرين.
ملحوظة :الموقع عمل تحديثه السنوي الأول من يومين لأحسن 250 فيلم في القرن الحالي و اللي بيتصدرها رائعةwong kar wai (In the mood for love)
يليه رائعة دايفد لينش (طريق مولهولاند)
أرجو تعريف جمهور مدونتك بالموقع و بالقائمة دي تحديدا لنعرف عدد السنين الضوئية بيننا و بين العالم ,وعشان يمكن خالد يوسف يتكسف و يعتزل الإخراج.
Post a Comment